ايوذياااات روعـة (اهديها لحبيبي ولاء)

قلم كلبي تداين ورقه منك
لان ماكو بجمالك ورقه منك
اسجلنك الاول ورقمـــــــنك
واكتب لافته محجوز اليـــــــــه

زماني ليش عن ولفي بعدنه
لبس ثوب الحزن والحزن بعدنه
احنه على الهعد نبقه بعدنه
نتخاوه والخوي يذكر خويه

اكتبلي شما ردت تكتب ورد لك
ازعل وابتعد عن ورد لك
بساتين بوسط قلبي و ورد لك
يا بحر الوفه الصافي ميه

غرامك صار الي معبد وقبله
وارضه بكل نقد منك واقبله
واشتم الصخر وابوسه واقبله
لان قاسي مثل كلبك عليه

ترف يامن عيونك ولعني
الحزن من يوم شافك وله عني
ناسن الحجت عنك وله عنه
تغار ماتريد نكعد سويه

عليك اصغار تسألني والكبار
وانا المتقي بحبك والك بار
الك كنيسة بنص قلب والك بار
تصلي وتسكر وتخطب عليه

حبيبي حلو شلون اوصفه
قلبه انقى من الذهب او اصفه
ما كلي شنو عيبي او صفة
الي خلته بعد ما يمر عليه